ქალაქ თბილისის მერმა გიგი უგულავამ სახელმწიფო დაზღვევის პროგრამის მიმდინარეობა პირადად შეამოწმა.

მისი თქმით, მთავარი მიზანი დაზღვეულთა სრულფასოვანი მომსახურებაა.

„90- ანი წლებიდან სახელმწიფომ საკუთარ მოსახლეობაზე პასუხისმგებლობა მოიხსნა. დღეს კი დაიწყო ის ეტაპი, როდესაც ვცდილობთ მოსახლეობის ის ნაწილი, რომელსაც ძალიან უჭირს,  სამედიცინო დაზღვევის გარეშე არ დარჩეს“,- განაცხადა უგულავამ.

მისი თქმით, შემდეგი ეტაპი საშუალო ასაკის ადამიანებს შეეხებათ.

„სახელმწიფო ნებისმიერ ადამიანს მინიმალური დაზღვევით უზრუნველყოფს“,- დასძინა მერმა.

სახელმწიფო დაზღვევის ახალი პროგრამა დღეიდან ამოქმედდა. ნულიდან 5 წლამდე ბავშვები, სტუდენტები,  შეზღუდული შესაძლებლობების მქონე პირები და ასაკით პენსიონერები სადაზღვეო პაკეტის სრული მომსახურებით ისარგებლებენ.

ჯანდაცვის მინისტრის ზურაბ ჭიაბერაშვილის ინფორმაციით, დაზღვეულთა მაჩვენებელმა 2 მილიონ ოთხასი ათასს მიაღწია.

internet.ge