8 წელი გავიდა საშინელი ტრაგედიიდან, რომელმაც მსოფლიო შეძრა.
2004 წელს ბესლანის პირველ სკოლაში თავდამსხმელები შეიჭრნენ და ათასზე მეტი ადამიანი მძევლად აიყვანეს.
ბოევიკიების ტყვეობაში წყლის, საკვებისა და სამედიცინო დახმარების გარეშე ძირითადად ბავშვები და პედაგოგები 3 დღის განმავლობაში იმყოფებოდნენ.
3 სექტემბერს კი 13 საათზე აფეთქება მოხდა, რომლის შემდეგაც მძევლების გათავისუფლების ოპრეცია დაიწყო.
ამ დღეს ოფიციალური ცნობებით 334 ადამიანი დაიღუპა, უმრავლესობა – ბავშვები. 126 ადამიანი კი დაინვალიდდა.
დღეს ბესლანში ხსოვნის დღე აღინიშნება.
სკოლასთან ათასობით ადამიანი მიდის და ყვავილებს აწყობს, საღამოს კი ჩრდილოეთ ოსეთის მოსახლეობა სახლებში სანთლებს აანთებს.
ბესლანის ტრაგედიას არა მარტო ჩრდილოეთ ოსეთში, არამედ იტალიაშიც გაიხსენებენ.
Internet.ge
