“საქართველოს ბანკის“ პრესმდივანი  სოფო ბალავაძე ამბობს, რომ ბანკის სარეკლამო რგოლში გამოყენებული Maroon 5-ის სიმღერა “Moves Like Jagger” ბანკმა საავტორო უფლებების სრული დაცვით გამოიყენა.

როგორც „ინტერნეტ.ჯი“-ს ბალავაძემ განუცხადა, საქართველოს კანონმდებლობის გათვალისწინებით „საქართველოს ბანკმა“, სანამ კლიპს Maroon 5-ის სიმღერას დაადებდა საქართველოს საავტორო უფლებების დაცვის ორგანიზაციას მიმართა და ნებართვა მათგან აიღო.

"ყოვეთვის ასე ხდება, როდესაც კლიპისთვის ვიყენებთ მსოფლიო ჰიტს, მივმართავთ საქართველოს საავტორო უფლებების დაცვის ორგანიზაციას, ვიხდით შესაბამის საფასურსაც“,- აღნიშნა ბანკის პრესმდივანმა.

შეგახსენებთ, რომ საინფორმაციო სააგენტო „ექსპრესნიუსმა“ ინფორმაცია გაავრცელა რომლის მიხედვითაც Maroon 5-ის პროდიუსერი „საქართველოს ბანკს“ საავტორო უფლების დარღვევისთვის უჩივლებს.

internet.ge