რუსეთის მთავარი სანიტარი გენადი ონიშენკო თვლის, რომ კახური ტრადიციული მეღვინეობის გადარჩენისათვის მას კახეთის კულტურის მოღვაწის სტატუსი დამსახურებულად ეკუთვნის. ამის შესახებ მან რადიოსადგურ "ეხო მოსკვის" ეთერში განაცხადა.
“თითქმის დარწმუნებით შემიძლია ვთქვა, რომ მინიმუმ, კახეთის კულტურის მოღვაწე უნდა ვიყო. მე შევინარჩუნე უძველესი კულტურა მეღვინეობისა, რომელიც სწორედ საქართველოს ამ რეგიონს ახასიათებს,” – განაცხადა ონიშენკომ.
მან საქართველოსა და მოლდოვაში ალკოჰოლური სასმელების აკრძალვა აუცილებელ `ამპუტაციას~ შეადარა და ასევე განაცხადა, რომ ამის გამო, მომავალში, საქართველოსა და ბელორუსში, რომელსაც ონიშენკომ ასევე დაუწუნა ალკოჰოლური სასმელები, მას ძეგლს დაუდგამენ.
Internet.ge
