პიცის მაღაზიის მფლობელმა ამერიკის პრეზიდენტის, ბარაკ ობამას გაკვირვება მოახერხა, რომელმაც საპრეზიდენტო არჩევნების ტურნეს ფარგლებში, მაღაზიაში სტუმრად მისული პრეზიდენტი ხელში აიყვანა.

ინციდენტი, რომელსაც უცხოურმა მედიამ „დათვის ჩახუტება“ უწოდა, მას შემდეგ მოხდა, რაც ბარაკ ობამამ მაღაზიის მფლობელს უთხრა, რომ ის ყველაზე დიდი  და დაკუნთული იყო პიცერიის მფლობელთა შორის, ვინც კი ოდესმე უნახავს და გადაეხვია.

პიცის მაღაზიის მფლობელმა ობამას უთხრა, რომ  ოთხი წლის წინ საპრეზიდენო არჩევნებზე მას უჭერდა მხარს და ახლაც მას მისცემს ხმას, მიუხედავად იმისა, რომ რესპუბლიკელთა პარტიის წევრია.

მაღაზიიც მფლობელმა, მისტერ ვან დუზერმა BBC–ის განუცხადა, რომ პრეზიდენტმა მას 20 პიცა შეუკვეთა და ნაღდი ფული გადაუხადა. მათი შეხვედრა სულ 20 წუთს გაგრძელდა.

პრეზიდენტ ბარაკ ობამას განცხადებით, ტურნეს განმავლობაში ამ მაღაზიას ესტუმრა იმიტომ, რომ მისი მფლობელი, ვან დუზენი მთელს დასახლებაში ყველაზე აქტიური სისხლის დონორია. 

Internet.ge