სლოვაკურმა ორგანიზაციამ  "მემო 98"-მა და "საქართველოს ჟურნალისტური ეთიკის ქარტიამ"  მედიამონიტორინგის ანგარიშების პრეზენტაცია გამართეს.

პრეზენტაციაზე 11 ტელევიზიის საეთერო დროის დაკვირვების შედეგები იყო მოცემული.

წარმოდგენილ ანგარიშებში დაკვირვება ორ პერიოდს მოიცავს - 1-დან 5 ივლისის ჩათვლით და 23 ივლისიდან 5 აგვისტომდე შუალედს.

კვლევის ავტორებმა საზოგადოებრივი მაუწყებლის საქმიანობა "კარგ ხარისხად" შეაფასეს. თუმცა ორგანიზაციების წარმომადგენლები ხარვეზებზეც საუბრობენ.

"მაესტროსა" და "მე-9 არხის" შემთხვევაში საუბარია თოქ-შოუების წამყვანების მიკერძოებულობაზე.

ანგარიშის თანახმად, მისაღებ ხარისხს აკმაყოფილებს "რუსთავი ორი" და "იმედი".

ანგარიშის ავტორები 11-ვე ტელეკომპანიას ურჩევენ, შეცვალონ გაშუქების ტონი, მეტი ყურადღება დაუთმონ ბალანსის დაცვას და დასვან მიუკერძოებელი შეკითხვები.

Internet.ge