საქართველოს ახალგაზრდა იურისტთა ასოციაცია საადვოკატო დახმარებას უწევს "საქართველოს განვითარების კვლევით ინსტიტუტს“, რომლის ანგარიშებიც დაღადაღებულია.

აღნიშნულ საქმეზე, საიას ადვოკატებმა მოითხოვეს სასამართლოს დადგენილების მათთვის გადაცემა, რაზეც მათ უარი უთხრეს. გადაწყვეტილება გაასაჩივრეს, თუმცა მეორე პასუხიც უარყოფითი იყო. ამჟამად საია თბილისის საქალაქო სასამართლოში  სარჩელის შეტანას საქალაქო სასამართლოს წინააღმდეგ აპირებს.

„ჩვენ მოვითხოვეთ ყადაღის დადების შესახებ სასამართლოს დადგენილების გადმოცემა, რათა გვცოდნოდა თუ რატომ დაედო ყადაღა და მისი გასაჩივრების შესაძლებლობა გვქონოდა. ამ მოთხოვნაზე სასამართლომ  უკანონოდ გვითხრა უარი, რაც ადმინისტრაციული საჩივრით გავასაჩივრეთ საქალაქო სასამართლოს თავმჯდომარესთან. ჩვენი საჩივარი დაეწერა სასამართლოს მენეჯერს და მისი გადაწყვეტილებით კვლავ უარი გვეთქვა მოთხოვნის დაკმაყოფილებაზე.

 ამჟამად ვაპირებთ თბილისის საქალაქო სასამართლოში  სარჩელის შეტანას თბილისის საქალაქო სასამართლოს წინააღმდეგ. ჩვენი მოთხოვნა იქნება სასამართლომ სასამართლოს დაავალოს იმ დადგენილებისა და შესაბამისი დოკუმენტების გადმოცემა, რითიც ყადაღა დაედო ინსტიტუტის საბანკო ანგარიშს და მისი ფუნქციონირება პარალიზებულ იქნა“,- აცხადებენ საიაში.

საიას ადვოკატები აღნიშნულ საკითხზე სარჩელის შეტანას დღეს გეგმავენ.

internet.ge