საქართველოს სპორტისა და ახალგაზრდობის საქმეთა მინისტრი ლადო ვარძელაშვილი ბოლნისს ეწვია, სადაც ახლადშექმნილი რაგბის გუნდის წევრებს შეხვდა და მათთან ერთად მოსწავლე ახალგაზრდობის სასახლე მოინახულა, რომლის ბაზაზეც ნოემბერში ახალი, მრავალფუნქციური სპორტული კომპლექსი გაიხსნება.

“კომპლექსი საერთაშორისო სტანდარტებს დააკმაყოფილებს და შეძლებს უმასპინძლოს რაგბის, ფეხბურთის, კალათბურთისა  და ცურვის  შეჯიბრებს”,- აღნიშნულია საქართველოს სპორტისა და ახალგაზრდობის საქმეთა სამინისტროს ვებ–გვერდზე.

მინისტრმა განსაკუთრებული ყურადღება რაგბის განვითარებაზე გაამახვილა რადგან, რეგიონს ამ მხრივ  დიდი პოტენციალი გააჩნია, ცნობილი ქართველი მორაგბე დავით ზირაქაშვილი სწორედ ამ რეგიონიდანაა.

მინისტრი ასევე შეხვდა ბოლნისის მაჟორიტარ დეპუტატ კობა ნაყოფიას და მასთან ერთად დაესწრო არასამთავრობო ორგანიზაცია „ალიანსი ჯანმრთელი საზოგადოებისთვის" მიერ ორგანიზებული მინიფეხბურთის რეგიონალური ჩემპიონატის ფინალურ მატჩს, გამარჯვებულ გუნდს ჩემპიონის თასი გადაეცა.

Internet.ge