შსს-ს  მიერ გავრცელებულ ვიდო ჩანაწერთან დაკავშირებით სასჯელაღსრულებისა და პრობაციის მინისტრმა ხათუნა კალმახელიძემ საგანგებო ბრიფინგი გამართა.

მინისტრის განცხადებით, შინაგან საქმეთა და სასჯელაღსრულების სამინისტროები აღნიშნული დანაშაულის გამოსავლენად კოორდინირებულად მუშაობდნენ. მინისტრის თქმით, სასჯელაღსრულებისა და შსს შეურიგებელი იქნება მსგავსი დანაშაულების მიმართ.

“სასჯელაღსრულების დეპარტამენტის შესაბამისი ოპერატიული სამსახურები სრულ კოორდინაციაში მუშაობდნენ შინაგან საქემთა სამინისტროსთან. ამ შემთხევაში ჩვენი უმთავრესი მიზანი იყო გამოგვევლინა დამნაშავეების ის ჯგუფი, რომლებიც ციხეებში მსჯავრდებულთა მიმართ არასათანადო მოპყრობის ხარჯზე ახდენდნენ ჩვენი სისიტემის დისკრეტიდაციას. სამწუხაროა, რომ ჩვენს სისტემაში დღემდე მუშაობდნენ ადამიანები, რომლებიც კორუფციული გზების მეშვეობით ხელყოფდნენ მსჯავრდებულთა უფლებებს,“ - განაცახადა ხათუნა კალმახელიძემ.

შეგახსენებთ, რომ შინაგან საქმეთა სამინისტროსა და სასჯელაღსრულების დეპარტამენტის მიერ ერთობლივად განხორციელებული საგამოძიებო მოქმედებების შედეგად მე-8 საპყრობილის უსაფრთხოების განყოფილების უფროსი ლევან ფურცხვანიძე,  ოპერატიული მორიგე ინსპექტორი ვლადიმერ ბედუკაძე (ბედუკაძე გათავისუფლებულ იქნა თანამდებობიდან 2012 წლის მაისში) და მათი გავლენის ქვეშ მყოფი რამდენიმე პირი, წინასწარ შემუშავებული დანაშაულებრივი გეგმის შესაბამისად, ახორციელებდნენ პატიმართა მიმართ არაადამიანურ მოპყრობას, რასაც ვიდეოფირზე იღებდნენ .

სამივე მათგანი დაკავებულია, აღნიშნულ საქმეზე გამოძიება ჯერ არ დასრულება.

Internet.ge