12 აპრილს, 17:00 საათზე,  აფხაზეთის შემოქმედ ბავშვთა კავშირი „მომავლის ხმა“ და ფონდი „ჰარმონია და მშვიდობა",  აღდგომის ბრწყინვალე დღესასწაულთან დაკავშირებით, მ. იაშვილის სახელობის ბავშვთა ცენტრალურ საავადმყოფოში (ლუბლიანას N 2/6) ლეიკემიით  დაავადებულ   ბავშვებს მოინახულებენ და სააღდგომო საჩუქრებს გადასცემენ. დაავადებულთა შორის აფხაზეთიდან დევნილი ბავშვებიც არიან.

ღონისძიება, აფხაზეთის ა/რ განათლებისა და კულტურის სამინისტროს ინიციატივითა და ფონდის „ჰარმონია და მშვიდობა“, ორგანიზებით იმართება. საქველმოქმედო პროექტი საქართველოს საპატრიარქოსთან არსებული "ახალგაზრდობის სულიერი და ინტელექტუალური განვითარების ცენტრის”  მხარდაჭერით ხორციელდება.

Internet.ge