სასჯელაღსრულების, პრობაციისა და იურიდიული დახმარების საკითხთა მინისტრი გიორგი ტუღუში, გლდანის მე-8 სასჯელაღსრულების დაწესებულებაში იმყოფებოდა.

როგორც ტუღუშმა ჟურნალისტებთან საუბრისას განაცხადა, პატიმრების წამებაში ბრალდებული ყველა პირი დასჯილი და პასუხისგებაში მიცემული იქნება.

„ყველაფერს ეტაპობრივად მიეხედება, შეიძლება კიდევ დარჩა უღირსი ადამიანები სისტემაში, მაგრამ ყველაფერი გაიწმინდება. ყველა იქნება დასჯილი და პასუხისგებაში მიცემული, მათ შორის რიგითი თანამშრომლებიც. თუმცა, აუცილებელია ყველა მიხვდეს, რომ ეს ცვლილებები 5 წუთში ვერ მოხდება“,- განაცხადა ტუღუშმა.

მისივე თქმით, სისტემაში ყველაფერი შეიცვლება და დაწესებულება ახალი თანამშრომლებით დაკომპლექტდება.

internet.ge