დედინაცვალმა გერი იმიტომ გააგდო სახლიდან, რომ მისი საკუთარი შვილებისთვის ქუნთრუშა არ გადაედო. ერთი კვირის შემდეგ კი ის საავადმყოფოში მოხვდა.

მანამდე კი, როგორც ირკვევა, ბიჭს არა ერთი დამცირების ატანა უწევდა. მაგალითად, 5 წლის განმავლობაში უფლება არ ჰქონდა დამჯდარიყო მაგიდასთან, სადაც ოჯახი ერთად სადილობდა. მას უმცირესი გადაცდომისთვისაც კი სჯიდნენ, ხოლო როცა ქუნთრუშა დაემართა, დედინაცვალმა საკუთარი მამის სახლიდან გააგდო.

ახლა მოზარდი მშობლების დასჯას ითხოვს - დედინაცვლის და ასევე საკუთარი მამის, რომელიც მეორე ცოლის დამოუკიდებულებას შვილისადმი არასოდეს აპროტესტებდა. მამა მეუღლესთან ერთად აიძულებდა ბავშვს, ერეცხა ჭურჭელი, ელაგებინა სახლი და სკოლიდან დაბრუნების შემდეგ პირდაპირ საოჯახო საქმეებს შედგომოდა.

"როცა 11 წლის ვიყავი მშობლებმა მითხრეს, რომ არ არიან ვალდებულები მაჭამონ და მე თავად უნდა მოვიპოვო ფული. მაგიდასთან ერთი ლუკმა პურის ასაღებადაც არ მიშვებდნენ, მკეტავდნენ აივანზე, მამცირებდნენ..." - ყვება საშა.

ამის შესახებ მხოლოდ ბებიამ იცოდა, რომელმაც ბიჭს არაერთხელ შესთავაზა საცხოვრებლად მასთან გადასულიყო, თუმცა შვილიშვილს მამის ეშინოდა.

საშა ამბობს, რომ ყველაფერს გააკეთებს, რათა მამასა და დედინაცვალს მშობლის უფლებები ჩამოერთვათ. სამეურვეო და სამართალდამცველი ორგანოები ახლა მომხდართან დაკავშირებით მოკვლევას ატარებენ.

Internet.ge