სასჯელაღსრულების, პრობაციისა და იურიდიული დახმარების საქმეთა მინისტრის, გიორგი ტუღუშის განცხადებით, არსებობს პატიმართა წამების დამატებითი კადრები, რომლის გაშუქებისგანაც მინისტრი მედიასაშუალებებს თავის შეკავებას სთხოვს.

ამის შესახებ განცხადება, ტუღუშმა დღეს გამართულ ბრიფინგზე გააკეთა. 

„ბოლო დღეებში ცნობილი გახდა პატიმართა მიმართ არაადამიანური მოპყრობის ფაქტების შესახებ, რაზეც ჩვენ დავიწყეთ მუშაობა. სამწუხაროდ, გარდა იმ საზარელი კადრებისა, არის ინფორმაცია, რომ სისიტემაში პატიმრების წამებისა და ღირსების შემლახავ სხვა მეთოდების გამოყენებასაც ჰქონდა ადგილი, ამაზე არსებობს მტკიცებულებები და გვაქ            ვს ინფორმაცია ამას ვინ აკეთებდა. მინდა ვთხოვო მედიასაშუალებებს, თავი შეიკავონ იმ კადრების ეთერში გაშვებისგან, რომელიც ჩვენ ვიხილეთ ან იმ დამატებითი მტკიცებულებებისა, რომელიც შეიძლება იყოს. მოვუწოდებ ყველას, ასეთი ფაქტები, ანონიმურად ან საჯაროდ მიაწოდონ პროკურატურას ან სასჯელაღსრულების სამინისტროს“,- განაცხადა ტუღუშმა.

მინისტრის თქმით, 10 დღის განმავლობაში შეიქმნება საგამოძიებო ჯგუფი, რომელსაც სახელმწიფო დააფინანსებს.

„მათ მიეცემათ დიდი მანდატი და ექნებათ უფლებამოსილება პირადად აწარმოონ მოკვლევა და დაუბრკოლებლად შეხვდნენ იმ პირებს ვინც მათი ინტერსესის საგანი იქნება. ასევე, მათ შეუძლიათ საჯარო მოხელეს შეუჩერონ უფლებამოსილება, მიმართონ პროკურატურას, რომელსაც გადასცემენ მასალებს, რის შემდეგაც სისხლის სამართლებრივი საქმის წარმოება დაიწყება“,- განაცხადა ტუღუშმა.

internet.ge