საფრანგეთის ხელისუფლება საქართველოს მიერ ჟანდარმერიიდან მიღებული ფარული ჩანაწერების გამოქვეყნების გამო უკმაყოფილოა.

აღნიშნულთან დაკავშირებით საფრანგეთის საგარეო საქმეთა სამინისტრომ სპეციალური განცხადება გაავრცელა.

„ჩვენ გაოცებულნი ვართ, რომ საქართველოს ხელისუფლებამ გამოაქვეყნა ინფორმაცია, რომელიც საფრანგეთში მიმდინარე ერთი საქმის საგამოძიებო საიდუმლოს წარმოადგენს და ეხება შესაძლო გარიგებას ქართველ ოპოზიციონერსა და საფრანგეთში მოქმედ ქართული წარმომავლობის კრიმინალურ ჯგუფებს შორის.საფრანგეთის ხელისუფლებას ამ ინფორმაციის გამოქვეყნების ნებართვა არავითარ შემთხვევაში არ გაუცია, რისი უფლებაც, სხვათა შორის, მას არ გააჩნია“,- ნათქვამია განცხადებაში.

internet.ge