GE / EN
საინფორმაციო პორტალი
საზოგადოება
სიახლე|პოლიტიკა|საზოგადოება|ხელოვნება|ეკონომიკა|კრიმინალი|სამხედრო|სპორტი|მეცნიერება|ინტერვიუ
ევროპის საბჭოს კომისია საქართველოს სასამართლო სისტემას აფასებს
14:22 28.09.2012
დღის სიახლეები
ევროპის საბჭოს მართლმსაჯულების ეფექტურობის კომისიის 2012 წელს გამოქვეყნებული დასკვნის თანახმად, საქართველოს სასამართლო სისტემას  საუკეთესო მაჩვენებელი აქვს და რამდენიმე მონაცემის მიხედვით, იგი  პირველ ადგილსაც იკავებს. 

მართლმსაჯულების ეფექტურობის კომისია უკვე 10 წელია ფუნქციონირებს და მისი მიზანია შეისწავლოს ევროპის საბჭოს წევრ ქვეყნებში არა მარტო სასამართლოს, არამედ მართლმსაჯულებასთან დაკავშირებული ინსტიტუტების (პროკურატურა, პოლიცია, იურიდიული სამსახური) საქმიანობა და გამოაქვეყნოს კომპეტენტური დასკვნა. 

აღნიშნული კომისია საკუთარ დასკვნას ევროპის საბჭოს წევრ ქვეყნებს  ორ  წელიწადში ერთხელ უგზავნის.კომისიის დასკვნაში  საქართველოს სასამართლო სისტემაში განხორციელებული რეფორმის შედეგად, ყოველწლიურად გაუმჯობესებული მონაცემები ქვეყნდება.  

კომისიის დასკვნაში დაწვრილებით არის მიმოხილული  ყველა ის ფაქტორი, რომელიც ხელს უწყობს ქვეყანაში ხარისხიანი და ეფექტური მართლმსაჯულების არსებობას. ერთ-ერთ ასეთ ფაქტორად მიჩნეულია საქმეების განხილვის სისწრაფე და შესაბამისად, მართლმსაჯულების განხორციელების ეფექტურობა.  ამ მნიშვნელოვანი პარამეტრის გრაფაში საქართველო უსწრებს 35 ქვეყანას და პირველ ადგილს იკავებს.  მეტიც, წინა წლებთან შედარებით, საქართველოს სასამართლოებში ყველა კატეგორიის საქმეების შემოსვლის და მათი სწრაფად განხილვის პროცენტული მაჩვენებელი 106 პროცენტითაა გაზრდილი. 

კომისია სამართლის ცალკე დარგების მიხედვითაც აკეთებს ანალიზს. 

44 პროცენტითაა გაზრდილი პირველ ინსტანციაში სამოქალაქო და ადმინისტრაციულ დავებზე  გადაწყვეტილების მიღებით დასრულებული საქმეების რაოდენობა. ასევე გამოქვეყნებულ დასკვნაში არასასარჩელო  წარმოების  საქმეების განხილვის სისწრაფის მიხედვით საქართველო მეშვიდე ადგილზეა და მას  მხოლოდ ინგლისი, დანია, სომხეთი, რუმინეთი, საფრანგეთი, შვეიცარია უსწრებს. 

ევროპის საბჭოს ეფექტურობის კომისიის დასკვნის მიხედვით, განსაკუთრებული ყურადღება ექცევა საქმეთა განხილვის ვადებს. რადგან, როცა მართლმსაჯულების განხორციელება ჭიანურდება, ეს არა მარტო არაეფექტურ მართლმსაჯულებას უტოლდება, არამედ, შესაძლოა, საერთოდ მართლმსაჯულების განხორციელებაზე უარის თქმადაც ჩაითვალოს. განხილვის ვადების გარდა, ასევე კომისიის დასკვნაში ხაზგასმულია  სამოქალაქო და ადმინისტრაციული საქმეების რაოდენობის ზრდა. კომისიის დასკვნის თანახმად, 2006-2008 წლებთან შედარებით, 25 პროცენტით გაიზარდა დამთავრებული საქმეების რაოდენობა და ამ მხრივ საქართველოს ასევე ყველაზე მაღალი მაჩვენებელი აქვს. იგი ცხრილში პორტუგალიის, მაკედონიის და ესტონეთის გვერდითაა. 

ევროპის საბჭოს მართლმსაჯულების ეფექტურობის კომისიის დასკვნის ზოგადი ანალიზის მიხედვით, საქართველოს სასამართლო სისტემა საქმეთა განხილვის სისწრაფის მიხედვით, პირველ ადგილზეა, და ასევე, პარალელურ რეჟიმში, იზრდება სასამართლოში სამოქალაქო და ადმინისტრაციული საქმეების რიცხვი, რაც ევროპელი ექსპერტების აზრით, ეროვნული სასამართლო სისტემებისადმი მოსახლეობის გაზრდილ ნდობაზე მიუთითებს. 

internet.ge
აღდგომის დღეებში, სასწრაფო სამედიცინო დახმარების ცენტრში 6290 გამოძახება დაფიქსირდა
ცოლის მკვლელობისთვის ბრალდებულს 11 წელი მიესაჯა
სამეგრელოში ხე-ტყის უკანონო ტრანსპორტირების ფაქტი გამოვლინდა
"თურქეთში ჩატარებული რეფერენდუმის შედეგები დიქტატორად არ გადამაქცევს"
სპორტის სასახლეში „ნაციონალური მოძრაობის“ ყრილობა მიმდინარეობს
ბზა- ფლორისტის რჩევები, საინტერესო ფაქტები და სასარგებლო თვისებები
პარიზში, ლეონარდო და ვინჩის დაკარგული ნახატი აღმოაჩინეს
ქუმსიშვილი: ნულიდან მიღწეულ ხელშეკრულებას შეხედეთ და არა იქიდან, საიდანაც ვიყავით
კრიმინალური ქრონიკა
სამეთაურო-საშტაბო სკოლის კურსდამთავრებულთა დაჯილდოება გაიმართა
დუდუ დადიანის ხსოვნის ტურნირი „არმიამ“ მოიგო
შოკისმომგვრელი დასკვნა - ბავშვის ტვინის ზომა მშობლების სიყვარულზეა დამოკიდებული
დღის თემა
რაში დაადანაშაულეს მეუფე პეტრე სინოდის სხდომაზე
"მე ვფიქრობ რომ ეს სხდომა იყო მიკერძოვებული, რადგან ჩემი აქტიურობის გარდა, იქ ბევრად მნიშვნელოვანი საკითხები იყო განსახილველი“,- განაცხადა მეუფე პერტემ.
გამოკითხვა
რომელ წყაროს იყენებთ ინფორმაციის მისაღებად?
  
პოპულარული სიახლეები
წაიკითხა გაიზიარა კითხულობენ
„საქჰიდრომშენის“ დირექტორი აცხადებს, რომ კომპანიას ფინანსური პრობლემები აქვს1
ნორლანდი: საქართველოს ბედმა გაუღიმა, რომ ასეთი კალიბრის პატრიოტები ჰყავს2
საქსტატი მონაცემთა შეგროვების ელექტრონულ მეთოდზე გადავიდა3
ევროპის საბჭოს კომისია საქართველოს სასამართლო სისტემას აფასებს4
ნასა ასტეროიდებზე ბირთვული შეტევისთვის ემზადება5
ახალი ამბებიპოლიტიკასაზოგადოებახელოვნებაეკონომიკაკრიმინალისამხედროსპორტიმეცნიერებაინტერვიურეგიონიფოტორეპორტაჟი
 
თბილისი 0159, ახმეტელის ქ. №10ა. ტელ.: (995 32) 2 200 111, 577 208 612, 577 208 452. ელ-ფოსტა: [email protected]
 
Your Like on Facebook X