რუსული მედიასაშუალება ITAR-TASS საქართველოს საპარლამენტო არჩევნებთან დაკავშირებით სათაურით „საქართველოს ხელისუფლება თავისუფალი და დემოკრატიული არჩევნების ჩატარებას ცდილობს“ –  სტატიას აქვეყნებს.

სტატიაში საინფორმაციო საშუალებას საქართველოს პარლამენტის თავმჯდომარის, დავით ბაქრაძის კომენტარები მოჰყავს: „ჩვენ გვყავს იმდენი სადამკვირვებლო მისია, რამდენიც საჭიროა მონიტორინგისათვის...უცხოელმა დამკვირვებლებმა აღნიშნეს, რომ საქართველოში ვითარება ძალიან დაძაბულია, მაგრამ, ამავე დროს მოსახლეობას თავისუფალი აზრის დაფიქსირება შეუძლია,“-აცხადებს ბაქრაძე.

ITAR-TASS–ს ოპოზიციური  პარტიების ლიდერების მოსაზრებასაც ავრცელებს და წერს, რომ ისინი ხელისუფლებას შანტაჟსა და მოსახლეობის დაშინებაში ადანაშაულებენ.

დამოუკიდებელი მედიასაშუალება კი საპარლამენტო არჩევნების დემოკრატიულობაზე საუბრობს და აღნიშნავს: „ცენტრალურ საარჩევნო კომისიაზე დაყრდნობით, მონიტორინგს 60  უცხოელი და 50 ადგილობრივი სადამკვირვებლო ორგანიზაცია ახორციელებს, მათ შორის არიან ევროკავშირი, ევროპის საბჭოს საპარლამენტო ასამბლეა, შავი ზღივის თანამშრომლობის ორგანიზაცია და სხვები,“- ნათქვამია სტატიაში.

Internet.ge