ციხიდან გათავისუფლების ორიგინალური მეთოდი მოიფიქრა საერთაშორისო კრიმინალურ წრეებში ცნობილმა, რუსეთის მოქალაქემ - მეტსახელად „ლიოხა ტარზან“ და „ლეონ ბარ“ - ლეონიდ ფაინბერგმა, რომელიც პანამის ციხეში იხდის სასჯელს.

ინტერნეტ-ტექნოლოგიებისა და მობილური ტელეფონის საშუალებით მან უპრეცენდენტო პროექტი დაიწყო - „რეალითი შოუ გისოსებიდან“.

ის იმედოვნებს, რომ შოუ მას პოპულარობასა და ფულს მოუტანს, რაც საშუალებას მისცემს მოისყიდოს ლათინოამერიკული ქვეყნის თემიდა. ამის შესახებ მან თავის ვიდეობლოგზე MrPrisonerTV-ზე  დაწერა.

ფაინბერგი სუტენიორობისა და ნარკოვაჭრობის ბრალდებით დააკავეს. მისი სახელი კარგადაა ცნობილი ამერიკელი და რუსი სამართალდამცველებისთვის.

ის დღესდღეობით ციხიდან აწარმოებს ბლოგს და ინტერნეტმომხმარებლებს კურიოზული თხოვნით მიმართავს - დაეხმარონ 65 ათასი დოლარის შეგროვებაში, რათა თანხა გასათავისუფლებლად გადაიხადოს.

ის წერს, თუ რა მდგომარეობაა ციხეში: პატიმრები იარაღით დადიან და ქალებიც ჰყავთ.
ამის დასტურად მან ინტერნეტში ვიდეო გაავრცელა, რომელშიც გაურკვეველი სქესის ადამიანია გადაღებული.