გავლენიანი მედიასაშუალება „ალჯაზირა“ საქართველოს საპარლამენტო არჩევნების შედეგებთან დაკავშირებით სათაურით „საქართველოში ოპოზიცია „გამარჯვებას“ აღნიშნავს“ – სტატიას აქვეყნებს, რომელშიც ხაზგასმით აღნიშნავს, რომ ჯერჯერობით უცნობია საბოლოოდ რომელი მხარე იქნება გამარჯვებული.

„მე ველოდები, რომ 150 ადგილიან პარლამენტში ჩვენი გუნდი არანაკლებ 100 ადგილს დაიკავებს. მე მივაღწიე იმას, რაც მსურდა“, - მოყვანილია ბიძინა ივანიშვილის ციტატა, რასაც თან ახლავს სტატიის ავტორის კომენტარი: „თუმცა, წინასწარი მონაცემებით, პარლამენტში ორივე პატრიას თითქმის თანაბარი ადგილები ექნებათ. ეგზიტპოლების მიხედვით, ივანიშვილის გუნდს 77, ხოლო სააკაშვილისას – 73 ადგილი ექნება.“

დამოუკიდებელი მედიასაშუალება ორივე ლიდერის მიმართვას გამოყოფს და წერს: „ჩვენ უნდა დაველოდოთ შედეგებს, მაგრამ, როგორც ჩანს, პროპორციულ კენჭისყრაში „ქართულმა ოცნებამ“ მოიპოვა უპირატესობა, რაც შეეხება მაჟორიტარულ ოლქებს, აქ მნიშვნელოვანი უპირატესობა „ნაციონალურ მოძრაობას“ აქვს“, – აღნიშნა საქართველოს პრეზიდენტმა. რაც შეეხება, ივანიშვილს, მან მოსახლეობას შემდეგი განცხადებით მიმართა: „ჩვენ მოვიგეთ! ქართველმა ხალხმა მოიგო!“

„ალჯაზირა“ წინასაარჩევნო პერიოდსაც ეხება და აღნიშნავს, რომ „ქართული ოცნების“ მილიონერი ლიდერი, პრო-დასავლურ პრეზიდენტ მიხეილ სააკაშვილთან შეჯიბრებისას სერიოზული გამოწვევების წინაშე აღმოჩნდა.  

Internet.ge