საკრუიზო ლაინერის „ტიტანიკის“ დაღუპვიდან 100 წლის შემდეგ (ის სწორედ დღევანდელ დღეს, 1912 წლის 14 აპრილს ჩაიძირა), ოკეანის ფსკერზე არსებული ლაინერის ნარჩენები  იუნესკომ თავისი დაცვის ქვეშ შეიყვანა.

ამასთან დაკავშირებით ორგანიზაციამ სპეციალური კომუნიკეც გამოაქვეყნა, რომელშიც ნათქვამია, რომ ახლა „ტიტანიკზე“ ვრცელდება იუნესკოს კულტურული მემკვიდრეობის 2001 წლის კონვენცია, თუმცა აღნიშნული კონვეცია, როგორც წესი, მხოლოდ 100 წელზე მეტი ხნის წინ ჩაძირულ ობიექტებს შეეხება.

გიგანტური ლაინერის ნარჩენები საერთაშორისო წყლებში, 530 კილომეტრის სიღრმეში დღემდე შენარჩუნებულია. ახლა გემის ნარჩენებსა და მისი მგზავრების კუთვნილ ნივთებს, რომლებიც ოკეანის ფსკერზეა მიმოფანტული, საერთაშორისო ორგანიზაცია დაიცავს, რაც ნიშნავს, რომ „ტიტანიკი“ წყალქვეშა კულტურული მემკვიდრეობის სტატუსს იძენს და აღნიშნული კონვენციის მონაწილე ქვეყნებს სრული უფება აქვთ, მიიღონ შესაბამისი ზომები, თუკი ადგილი ექნება ჩაძირული გემის განადგურების, ძარცვის და მისი „ობიექტების არასანქცირებულ გავრცელებას“.

Internet.ge