კომუნალური გადასახადების გადახდის ახალ სისტემაზე, რომელიც დასუფთავებისა და ელექტროენერგიის გადასახადის განცალკევებას გულისხმობს, თბილისის მერიაში მუშაობა გრძელდება.
ამ საკითხთან დაკავშირებით დღეს სამუშაო შეხვედრაა ჩანიშნული, რომელზეც რამდენიმე მოდელი განიხილება და არჩევანი ერთ კონკრეტულ მოდელზე შეჩერდება.
ახალი სქემის განხილვა თვის ბოლოს გამართულ საკრებულოს სხდომაზე მოხდება. დასუფთავების გადასახადის ელექტროენერგიის გადასახადზე მიბმით დასუფთავების თანხა ელექტროენერგიის მოხმარების რაოდენობის მიხედვით დგინდებოდა და ელექტროენერგიის დაზოგვას და დასუფთავების გადასახადის შემცირებას ისახავდა მიზნად.
მმართველი პარტიის პროგრამა - 1000 ლარიანი ვაუჩერი ყველა ოჯახს, რომელიც გადასახადებისთვის იყო გათვლილი, აღარ განხორციელდება, რის გამოც მერიამ ამ პროექტის ჩანაცვლება გადაწყვიტა.
internet.ge
