‘’პირველად რუსეთიდან 1994 წელს წავედი, - ამბობს ივანიშვილი რუსული გამოცემა ‘’ვედომოსტისთვის", 2005 წელს მიცემულ ინტერვიუში,- მას შემდეგ, რაც ჩემი ძმა საქართველოდან გაიტაცეს. ერთი თვე ჰყავდათ გატაცებული და გამოსასყიდს მთხოვდნენ, მაგრამ არ გადავიხადე, რადგან ამ ნაბიჯით ანალოგიური საფრთხის წინაშე დავაყენებდი ჩემს მშობლებსა და დებს.

საქართველოდან ჩამოსული ჩინოვნიკები ძმის გათავისუფლებაში დახმარებას მპირდებოდნენ, არ მინდოდა ჩემს ბიზნესში მათი შემოსვლა და მათთან კონტაქტი და ამიტომ ფორმალურად დავტოვე ბანკის პრეზიდენტობა და 1994 წელს, ნახევარი წლით ამერიკაში წავედი" - აღნიშნული ინტერვიუს ნაწყვეტს ჟურნალისტი გიგა ლიპარტელიანი დოკუმენტურ ფილმში: ‘’სიმართლე, რომელიც ქართველმა ხალხმა უნდა იცოდეს, ანუ ვინ არის ბიძინა ივანიშვილი" აქვეყნებს, დოკუმენტურ ფილმში ბიძინა ივანიშვილის ბიზნესინტერესებზე და ორ შემზარავ მკვლელობაზეა საუბარი, რომელთა შეკვეთაშიც ავტორი საქართველოს მომავალ პრემიერ-მინისტრს ადანაშაულებს.

Internet.ge