“საქართველოს რკინიგზის" გენერალური დირექტორი ირაკლი ეზუგბაია თანამდებობიდან გადადგა.

სს „საქართველოს რკინიგზის “ გენერალურმა დირექტორმა თანამდებობიდან გადადგომის თაობაზე თხოვნით მიმართა სამეთვალყურეო საბჭოს. განცხადება დაკმაყოფილებულია.

აღნიშნულთან დაკავშირებით, ეზუგბაიამ ოფიციალური განცხადება გაავრცელა, რომელსაც „ინტერნეტ.ჯი“ უცვლელად გთავაზობთ.

„უკანასკნელი 7 წლის განმავლობაში საქართველოს რკინიგზამ მნიშვნელოვანი ტრანსფორმაცია განიცადა და ჩამოყალიბდა წარმატებულ კომპანიად. კომპანია დირექტორთა საბჭოს ფორმატში იმართებოდა. შესაბამისად, მე, როგორც გენერალური დირექტორი, პასუხისმგებლობას ვიღებ ყველა საკითხზე, ყველა გადაწყვეტილებაზე, რაც ამ წლებში დირექტორთა საბჭომ მიიღო.

მადლობას ვუხდი საქართველოს რკინიგზის ყველა თანამშრომელს და მენეჯმენტს, ერთად გატარებული წლებისა და იმ თავდადებისათვის, რითიც გამოირჩევა საქართველოს რკინიგზის თითოეული  თანამშრომელი საკუთარი კომპანიის წარმატებისათვის ბრძოლაში.  წარმატებას ვუსურვებ მათ. წარმატებას ვუსურვებ საქართველოს რკინიგზას.

მივმართვ ყველა თანამშრომელს, ახალი გენერალური დირექტორის დანიშვნამდე განსაკუთრებული სიფრთხილით იმოქმედონ, შეასრულონ საკუთარი მოვალეობები მშვიდად, რომ ზიანი არ მიადგეს კომპანიის საოპერაციო მართვასა და უსაფრთხოებას“- აცხადებს ირაკლი ეზუგბაია.

Internet.ge