41 წლის ბრაზილიელი ჟილბერტო არაუჟო შინ მივლინებიდან დაბრუნდა და როცა სახლში შევიდა, უამრავი ნათესავი დახვდა, რომლებიც ვიღაცის კუბოს უვლიდნენ გარს და მოთქმით ტიროდნენ.

თუმცა მას შემდეგ, რაც მამაკაცი დაინახეს, ზოგმა გონება დაკარგა, ზოგმა შეშლილივით ყვირილი დაიწყო, ზოგიც კარიდან თუ ფანჯრიდან ერთმანეთს გაქცევას ასწრებდა.

მოგვიანებით გაირკვა, რომ ნათესავები სწორედ ჟილბერტოს დასტიროდნენ.

აღმოჩნდა, რომ მისი მივლინებაში ყოფნისას ავტოკატასტროფაში მამაკაცი დაიღუპა, რომელიც საოცრად ჰგავდა ჟილბერტოს, რომლის ოჯახმაც გვამი ამოიცნო და შესაბამისი პატივიც მიაგო.

მას შემდეგ, რაც სიტუაცია გაირკვა, იმქვეყნიდან დაბრუნებული მამაკაცის მეორედ დაბადების აღსანიშნავად ჟილბერტოს სახლში კვლავ უამრავი ადამიანი შეიკრიბა, უცნობი მიცვალებული კი ნამდვილ პატრონს დაუბრუნეს.

Internet.ge