კალიფორნიის სამხრეთით ერთ-ერთი მშვიდი
ქალაქის მოსახლეობა შოკირებულია მას შემდეგ, რაც მეზობლის ეზოში ხეზე ჩამომხრჩვალი აშშ-ის პრეზიდენტი დაინახეს.
თუმცა მალევე გაირკვა, რომ ეს ბარაკ ობამას მხოლოდ ფიტული იყო და დამშვიდდნენ, მაგრამ დროებით: ახლა მთელ დასახლებას საიდუმლო სამსახური ჰკითხავს.
გაირკვა ისიც, რომ აგენტები ედი მილიანოთი მას შემდეგ დაინტერესდნენ, რაც პოლიციაში მასზე საჩივარი შევიდა: მომჩივანი ობამას ჩამოხრჩობის გამო მამაკაცის პოლიტიკურ შეხედულებებზე, განსაკუთრებით, წინასაარჩევნო პერიოდში, ეჭვებს გამოთქვამდა.
გაოცებულმა მილიანომ განაცხადა, რომ იხუმრა და მისი საქციელი არავითარ შემთხვევაში არ უნდა აღიქვან ისე, რომ მას სურს, ობამა მკვდარი ნახოს.
მამაკაცის ხუმრობამ პოლიცია და საიდუმლო სამსახური ფეხზე
დააყენა. მან სასტიკი გაფრთხილებაც მიიღო, რომ მსგავსი საქციელი, სხვა დროს, აღარ ჩაიდინოს.
Internet.ge
