ქალთა მოძრაობა ფემენის აქტივისტი ინა შევჩენკო არაბული ტელეარხის ალ-ჯაზირას პირდაპირ ეთერში გაშიშვლდა.

გადაცემაში ფემინიზმისა და ისლამის ურთიერთდამოკიდებულების პრობლემას განიხილავდნენ.

წამყვანმა სტუმრის ციტირება მოახდინა იმასთან დაკავშირებით, რომ სიშიშვლე ფარანჯაზე უკეთესია და მას თემის განვრცობა სთხოვა, რაზეც შევჩენკომ განაცხადა, რომ როცა აქვს საშუალება, ყოველთვის იხდის. სწორედ დროს მან მოიხსნა მიკროფონი და მაისურის გახდა დაიწყო.

ეპიზოდი, როცა შევჩენკო 200-მილიონიანი აუდიტორიისათვის სიშიშვლის დემონსტრირებას შეეცადა, ეთერში ვეღარ მოხვდა, კამერა ამ დროს წამყვანზე გადაერთო, რომელმაც დაადასტურა, რომ მისმა სტუმარმა მკერდი მოიშიშვლა.

მანვე განაცხადა, რომ საუბარი შევჩენკოსთან კვლავაც გაგრძელდება, თუმცა არა შიშველ მდგომარეობაში.

თავად მოძრაობის ვებ-გვერდზე აღნიშნულია, რომ ფემენის წევრები კვლავაც აპირებენ გამოიყენონ ყველანაირი ტრიბუნა რელიგიის უღლისაგან გათავისუფლებისათვის და შუასაუკუნეების შეხედულებების წინააღმდეგ პროპაგანდისათვის.

Internet.ge