„ტოლერანტობის სახლისა“ და „უფლებათა სკოლის“  წარმომადგენელებმა ნიგვზიანში, რელიგიურ ნიადაგზე მომხდარ დაპირისპირებაში მონაწილე პირების დასჯა და ფაქტის გამოძიება იუსტიციის სამინისტროს შენობის წინ მოითხივეს.

სამინისტროსთან გამართულ აქციაზე ახალგაზრდებმა პლაკატები მიიტანეს წარწერით: „დაიცავით აღმსარებლობის თავისუფლება - გიყვარდეს მოყვასი შენი!“.

აქციის მონაწილეები იუსტიციის სამინისტროსგან ნიგვზიანში მომხდარი ფაქტისთვის სამართლებრივი კვალიფიკაციის მინიჭებას მოითხოვდნენ.

დღესვე აქციის მონაწილეები იუსტიციის მინისტრმა თეა წულუკიანმა მიიღო.

„თუ სახეზე არის სისხლის სამართლის დანაშაული, რა თქმა უნდა, გამოძიება უნდა ჩატარდეს. ჩვენ აბსოლუტურად სხვა გზას ვადგავართ, ვიდრე ყოფილი ხელისუფლება. არ ვახდენთ ძალის დემონსტრაციას, მანამ, სანამ ამოწურული არ არის ყველა ცივილური გზა. დარწმუნებული ვარ, რომ ჩვენ ძალის დემონსტრირება არ დაგვჭირდება“,- განუცხადა წულუკიანმა ახალგაზრდებს.

მისი თქმით, სამინისტრომ საქმის კურსში ჩააყენა ორივე რელიგიის წარმომადგენლები და შეეცადა პრობლემა მშვიდობიანად მოეგვარებინათ.

internet.ge