ბათუმის “ტრამპ თაუერის“ მშენებლობას ცნობილი არქიტექტორი, ჯონ ფორტიადისი უხელმძღვანელებს.

ამის შესახებ ინფორმაციას, „სილქროუდ ჯგუფი" ავრცელებს. მათი განცხადებით, ულტრათანამედროვე, 47-სართულიან ნაგებობაში ბიზნესცენტრი, სპა და ფიტნეს კლუბები, ლაუნჯბარები და საცხოვრებელი ბინები განთავსდება, რომელთა ფართი 80-დან 700 კვადრატულ მეტრამდე იქნება.

დონალდ ტრამპის ინვესტიცია ქართულ ბაზარზე პირველად შემოდის.

ამერიკელი ბიზნესმენი, ცნობილი სამშენებლო კომპანიის პრეზიდენტი საქართველოში 21 აპრილს ჩამოვა.

როგორც „ინტერნეტ.ჯი"-ს პრეზიდენტის ადმინისტრაციიდან აცნობეს, დონალდ ტრამპი  21 აპრილს თბილისში დარჩება, 22 აპრილს კი ის ბათუმში გაემგზავრება, სადაც საქართველოს პრეზიდენტს მიხეილ სააკაშვილს შეხვდება.

Internet.ge