მწერალ ოტია იოსელიანის ანდერძთან დაკავშირებით, სასამართლო დავა,
ქუთაისის სააპელაციო სასამართლოში გაგრძელდება.
ამის შესახებ „ინტერნეტ.ჯი"-ს უზენაესი სასამართლოს
პრესამსახურში განუცხადეს.
მათი ინფორმაციით, ქუთაისის საქალაქო სასამართლოს მიერ გამოტანილი
განაჩენი, ზემდგომი ინსტანციის სასამართლოში გაასაჩივრეს და საქმის განხილვა ახლო
მომავალში დაიწყება.
სასამართლო გადაწყვეტილება თამარ გელოვანის მიერ გასაჩივრდა, რომელსაც
ოტია იოსელიანის ანდერძის მიხედვით, „ლიბერთი ბანკის“ ბარათზე არსებული თანხა
ეკუთვნის.
შეგახსენებთ,
რომ საზოგადოებისთვის
საყვარელი
მწერლის,
ოტია
იოსელიანის
ანდერძი სადაო
მისმა
შვილებმა გახადეს.
გარდაცვალებამდე,
ოტია
იოსელიანმა
ანდერძით
მეგობარ
თეიმურაზ
კეპულაძეს
"ვოლვოს"
მარკის
ავტომანქანა
და "ტოიოტას" ჯიპი, ხოლო "ლიბერთი ბანკის" ბარათზე არსებული თანხა - თამარ გელოვანს დაუტოვა.
მანვე
ეკლესიას
8000 ლარი,
სამხატვრო
სკოლას
კი - 1000 ლარი შეწირა.
ოტია იოსელიანის შვილებმა ქუთაისის საქალაქო სასამართლოს მიმართეს და ოტია იოსელიანის ანდერძის ბათილად ცნობა მოითხოვეს. ქუთაისის საქალაქო სასამართლოს გადაწყვეტილებით
ნაწილობრივ
დაკმაყოფილდა
მანანა,
რამაზ
და აბესალომ იოსელიანების
სარჩელი.
საქმის განხილვის დროს სასამართლომ დაადგინა,
რომ მოსარჩელეთა მიერ მოპასუხედ
არ იქნა დასახელებული ყველა ის პირი, ვისაც მოანდერძემ 2011 წლის 03
ივნისის და 2011 წლის 07 ივლისის ანდერძებით ქონების
გარკვეული ნაწილი უანდერძა. შესაბამისად, სასამართლომ საქართველოს სამოქალაქო კოდექსზე დაყრდნობით უარი უთხრა მოსარჩელეებს მწერლის ანდერძების სრულად ბათილად ცნობაზე და მათი მოთხოვნა დააკმაყოფილა ნაწილობრივ, მხოლოდ მოპასუხედ
დასახელებული თამარ გელოვანის და თეიმურაზ
კეპულაძის მიმართ გაცემული საანდერძო განკარგულების ნაწილში.
Internet.ge
