სახალხო დამცველი გიორგი ტუღუში, ბავშვთა სააღმზრდელო დაწესებულებებში ჩატარებული მონიტორინგის შედეგებს აქვეყნებს.
ომბუდსმენის აპარატის განცხადებით,
ანგარიშში ასახულია
ეროვნული პრევენციის მექანიზმის სტატუსით, სახალხო დამცველის პრევენციისა და მონიტორინგის დეპარტამენტის სპეციალური პრევენციული ჯგუფის მიერ, 2011 წლის დეკემბერში ბავშვთა სააღმზრდელო დაწესებულებებში განხორციელებული მონიტორინგის შედეგები. მონიტორინგი განხორციელდა 13
დიდი ზომის ბავშვთა სახლსა და 17 მცირე საოჯახო ტიპის სახლში.
ტუღუშის განცხადებით, ბავშვთა უფლებები, წინა წლებთან შედარებით რამდენიმე მიმართულებით უკეთ არის დაცული და აღსაზრდელების მდგომარეობა რეფორმის განხორციელების შემდეგ გაუმჯობესდა, თუმცა არსებობს მთელი რიგი დარღვევები და არასათანადო მოპყრობის ფაქტები.
150- გვერდიან ანგარიშში, ფაქტების დაფიქსირებასთან ერთად, სახალხო დამცველის რეკომენდაციებიც არის მოცემული, რომელიც ყველა პასუხისმგებელ უწყებას გადაეგზავნება.
internet.ge
