თუშეთის
დაცული ტერიტორიების პროექტთან დაკავშირებით, სასტუმროში
"ჰოლიდეი
ინ"-ში, დღეს შეხვედრა გაიმართება.
ცნობილია, რომ შეხვედრაზე საქართველოს გარემოს დაცვის სამინისტრო დაცული ტერიტორიების სააგენტოსთან ერთად, წარადგენენ ერთობლივი პროექტის შედეგებს, რომელიც მიზნად ისახავდა თუშეთის დაცული ტერიტორიების მართვისა და დაფინანსების ინოვაციური მეთოდების ტესტირებას.
დღესვე გაიმართება ფოტოგამოფენა და დოკუმენტური ფილმის - "თუშეთს გავედრებ ტურფასა" ჩვენება.
თუშეთში
განხორციელებული
პროექტის ბიუჯეტი 900 ათასი აშშ დოლარია და გარემოს დაცვის გლობალური ფონდის (GEF) დაფინანსებით განხორციელდა.
სამწლიანი
ინიციატივის
მეშვეობით
შესაძლებელი
გახდა თუშეთის დაცული ტერიტორიების ბიომრავალფეროვნების
კვლევა, ბიომრავალფეროვნების
მონიტორინგისა
და პატრულირების გაუმჯობესება, ეკოტურიზმის პერსპექტივების შესწავლა და ბიზნესთან თანამშრომლობის გზით, ადგილობრივი მოსახლეობისთვის დამატებითი ეკონომიკური შესაძლებლობების
შექმნა.
თუშეთის
დაცული ტერიტორიების პოპულარიზაციის მიზნით,
UNDP/GEF პროექტმა
ხელი შეუწყო ყოველწლიური ფესტივალის - თუშეთობის მოწყობას.
შეხვედრას
გარემოს დაცვის მინისტრი გოგა ხაჩიძე, გაერო-ს განვითარების პროგრამის
(UNDP) ხელმძღვანელის
მოადგილე ინიტა პაულოვიჩა და დაცული ტერიტორიების სააგენტოს ხელმძღვანელი გიორგი შონვაძე დაესწრებიან.
Internet.ge
