ბრაზილიის ერთ-ერთ უმსხვილეს შტატში ამაზონასში  რამდენიმე მდინარე, მათ შორის ამაზონკა კალაპოტიდან გადმოვიდა, რის გამოც 74 ათასი ოჯახის ევაკუაცია გახდა აუცილებელი, - იუწყება „რია ნოვოსტი“ გამოცემა „სეგუნდა“-ზე დაყრდნობით.

წყალდიდობის მიზეზი მარტის შემდეგ გადაუღებელი წვიმები გახდა. ამის გამო ბრაზილიის 32 შტატში საგანგებო მდგომარეობაა გამოცხადებული.

მეტ-ნაკლებად დაზიანდა ქალაქი ბენჟამინ კონსტანტი, სადაც 30 ათასი მოსახლიდან 9 ათასის ევაკუაცია მოხდა. დასახლებული პუნქტი თითქმის მთლიანად წყლითაა სავსე და ბრაზილიურ ვენეციას დაემსგავსა.

სტიქიამ სრულიად გაანადგურა მოსავალი. ხელისუფლებამ დაზარალებულებისათვის ფულადი დახმარება გამოყო, - თითოეულ ოჯახზე 200 დოლარი. მოსახლეობას აწვდიან კვების პროდუქტებსა და მედიკამენტებსაც, ექიმები კი პროფილაქტიკურ სამუშაოებს ატარებენ, რათა ინფექციების გავრცელება აიცილონ თავიდან.

internet.ge