ყვითელი ავტობუსებით გადაადგილებისას, უბილეთო მგზავრებს, საჯარიმო ქვითარს, ელექტრონული ფორმითაც გამოუწერენ.
პარლამენტმა, დღევანდელ სხდომაზე, “ადმინისტრაციულ სამართალდარღვევათა კოდექსი” დაამტკიცა, რომლის მიხედვითაც, საჯარიმო ქვითარი ბურთულიანი კალმით ან/და ელექტრონული ფორმით უნდა გამოიწეროს.
ამასთან, ასეთი ვალდებულება შესაბამის პირებს, იმ მგზავრების მიმართ ექნებათ, რომლებიც უბილეთოდ, ავტობუსით ან მიკროავტობუსით მგზავრობენ, ასევე იმ მგზავრთა მიმართ, რომელთაც აღნიშნული ტრანსპორტით, ათიდან თექვსმეტ წლამდე ბავშვები უბილეთოდ გადაჰყავთ.
ბურთულიანი კალმით ან ელექტრონული ფორმით, ჯარიმები იმ პირებსაც გამოეწერებათ, რომლებიც ადგილობრივი საქალაქო რეგულარული სამგზავრო გადაყვანას, სანებართვო პირობების დარღვევით ან შესაბამისი ნებართვის გარეშე ახორციელებენ.
ახალი რეგულაცია იმ მძღოლებსაც ეხებათ, რომლებიც დადგენილი მოძრაობის მარშრუტს დაარღვევენ.
Internet.ge
