18 მაისს, ივანე ჯავახიშვილის სახელობის თბილისის სახელმწიფო უნივერსიტეტში სტუდენტური თვითმმართველობის არჩევნები ჩატარდება. ამასთან დაკავშირებით, ცესკოს თავმჯდომარე დიმიტრი გეგენავამ   facebook-ის ოფიციალურ გვერდზე გააკეთა კომენტარი.  

მისი განცხადებით, ამ დროისათვის არჩევნებში დარეგისტრირებულია 3 ორგანიზაცია: „ერთიანი სტუდენტური მოძრაობა“, „სტუდენტები სტუდენტებისათვის“, „თსუ ალიანსი სტუდენტებისათვის“, და 6 დამოუკიდებელი კანდიდატი. სულ არჩევნებში არსებულ 120 ადგილზე 149 რეგისტრირებული მსურველია.

არჩევნებში მონაწილეობის მსურველთა რეგისტრაცია 30 აპრლიდან 11 მაისის ჩათვლით მიმდინარეობდა. თუმცა, რეგისტრაციისათვის აუცილებელი პირობების შესრულებისას მნიშვნელოვანი ხარვეზები დაფიქსირების გამო, ცესკომ არჩევნებში მონაწილეობის მსურველებს რეგისტრაციის გასავლელად დამატებით სამი დღის ვადას მისცა.

არჩევნების გამჭირვალეობის მიზნით, ცესკოს მოწვევით, სტუდენტური თვითმმართველობის არჩევნებს საერთაშორისო ორგანიზაციების - „საერთაშორისო გამჭირვალობა საქართველო“ და „IFES” წარმომადგენლები დაესწრებიან. ამასთან, დამონტაჟდება ვიდეოკამერები, რომლებიც პირდაპირი გადაღების რეჟმში იმუშავებენ. თითოეულ დაინტერესებულ პირს განცხადების საფუძველზე შეუძლია მიიღოს ვიდეოჩანაწერის ნახვის უფლება.

ცესკოს ინიციატივით, სურვილის შემთხვევაში, ხმის მიცემის პროცესს აკადემიური პერსონალის წარმომადგენლებიც დააკვირდებიან.

Internet.ge