კონტროლის პალატის თავმჯდომარემ, ლევან ბეჟაშვილმა, წიგნი – „საკანონმდებლო ტექნიკა, სამართალშემოქმედების მეთოდური სახელმძღვანელო“ გამოსცა.

წიგნის პრეზენტაცია დღეს პარლამენტში გაიმართა.

ბეჟაშვილის შეფასებით, წიგნში გაანალიზებულია სამართალშემოქმედებისა და მისი უმნიშვნელოვანესი სფეროს - კანონშემოქმედების მნიშვნელოვანი ასპექტები და კანონშემოქმედებითი პროცესის სამართლებრივ რეგულირებასთან დაკავშირებული კანონმდებლობა.

წიგნის პრეზენტაციის პარალელურად, ღონისძიებაზე, ანტიე დომბროვსკისა და თომას მელცერის დოკუმენტური ფილმის – „უკეთესი კანონშემოქმედება აღმოსავლეთ ევროპაში - მთავარი ინსტრუმენტი თუ მხოლოდ მოდური ტენდენცია?“ - პრეზენტაციაც გაიმართა, რომელიც თბილისში 2011 წელს იქნა გადაღებული.

Internet.ge