თბილისში, სტიქიის შედეგად დაზარალებულთა დახმარების პირველი ეტაპი უკვე
დასრულდა. თბილისის მერიის ორგანიზებით, ისინი დროებით თავშესაფრებში არიან
გადაყვანილი. დაზარალებულები მერიამ პირველადი მოხმარების ნივთებითა და საკვებით
უზრუნველყო.
დღეს, უკვე
მეორე ეტაპი დაიწყება, როგორც
„ინტერნეტ.ჯი“-ს მერიის საზოგადოებასთან ურთიერთობის სამსახურში განუცხადეს, მეორე ეტაპი დაზარალებულთა ფულად დახმარებას ითვალისწინებს. დაზარალებულებს ფონდი „ღია საზოგადოება საქართველო“
500-500 ლარს გადასცემს.
რამდენიმე დღეში კი, მესამე ეტაპი დაიწყება, რომელიც დაზარალებული
ოჯახების საყოფაცხოვრებო ტექნიკით უზრუნველყოფას გულისხმობს. ამისთვის საჭირო 10
000 დოლარს ამერიკული ორგანიზაცია „ამქორი“ გადარიცხავს.
რაც შეეხება
სტიქიით მიყენებულ ზარალს, როგორც პრესსამსახური აცხადებს, სპეციალური ჯგუფები
ზარალის ოდენობას ამ დრომდე არკვევენ.
შეგახსენებთ, რომ 12 მაისს თბილისში მოვარდნილმა
წყალდიდობამ დედაქალაქის ინფრასტრუქტურა და საცხოვრებელი სახლები დააზიანა.
დაიღუპა 5 ადამიანი.
internet.ge
