დღეს, თბილისის ზოგიერთ უბანს წყლის მიწოდება შეეზღუდება. "ჯორჯიან უოთერ & ფაუერი" (GWP) – ის ინფორმაციით, დღეს დილის 11 საათიდან, 00:00 საათამდე, 1200 მმ-იან IV მაგისტრალურ წყალდენზე გადაუდებელი სარეკონსტრუქციო სამუშაოების ჩატარებაა დაგეგმილი. რეაბილიტაცია  აღნიშნული წყალდენის დიღმის ველზე, წოწორას ხევში გამავალ მონაკვეთზე განხორციელდება. ამის გამო, დროის აღნიშნულ მონაკვეთში თბილისის მოსახლეობას წყალი შეზღუდულად მიეწოდება.

წყლის მიწოდება მთლიანად გაეთიშება შემდეგ უბნებს:

ლიუბლიანას ქუჩის ბოლო ნაწილს, დასახლებებს: „დიღომი 7“ -ს, „დიღომი 8“ -ს და „დიღომი 9“-ს.

მტკვრის მარჯვენა სანაპიროზე განთავსებულ დაწესებულებებს, აშშ-ის საელჩოს.

თაბუკაშვილის, ლესელიძის, ვერცხლის, ნაკაშიძის, დიუმას, ერეკლე II-ის, ყავლაშვილისა და მათ მიმდებარე ქუჩებს.

დროის აღნიშნულ მონაკვეთზე წყალმომარაგება შეფერხებით განხორციელდება:

ვაჟა ფშაველას კვარტლებში, ნუცუბიძის ფერდობზე, ბაგებსა და ვაკის ზედა დასახლებებში, მთაწმინდა-კრწანისის რაიონში, შოფლებში: კოჯორი, კიკეთი, წავკისი, ტაბახმელა და შინდისი.

წყალს შეზღუდვებით მიიღებს

სოფელი გლდანი, გლდანულას, „კონიაკის“ , „გაზის“, „ცენტროლიტას“ და მუხიანის სამხედრო დასახლებები. მუხიანის I, II და III და გლდანის მასივის IIIა, V, VI, VII, VIII მ/რაიონები.

სასჯელაღსრულების დეპარტამენტის გლდანის საპატიმრო და „ჰაიდელბერგცემენტის“ ბეტონის ქარხანა.

internet.ge