ყოფილი ჟურნალისტი ინგა გრიგოლია აცხადებს, რომ "პირველი სტერეოს" ირგვლივ მოვლენები კანონის სრული დაცვით უნდა წარიმართოს.

როგორც „ქდმ“-ს ერთ-ერთმა ლიდერმა „ინტერნეტ.ჯი“-ს განუცხადა, გეოფიზიკის ინსტიტუტთან, სადაც ტელეკომპანიის ოფისი მდებარეობს, ამ ეტაპზე სიმშვიდეა.

„არ ვიცი სამართლებრივად რომელი მხარეა მართალი, მთავარია არხს მაუწყებლობის საშუალება მიეცეს და თანამშრომლებს დისკომფორტი არ შექმნათ. რაც შეეხება სიტუაცას, როგორც გავარკვიე იქ კერძო დაცვის თანამშრომლები - „მგლები“ იმყოფებიან. ეს ტრადიციული მეთოდია. დავით ზილფიმიანს ტელევიზიის დარბევის შიში აქვს“,- განაცხადა გრიგოლიამ.

შეგახსენებთ, რომ გუშინ, საჯარო რეესტრმა, ტელეკომპანია "პირველი სტერეოს" დირექტორად ტელევიზიის მეწილე ვასილ კობაიაძე დაარეგისტრირა. რასაც ტელეკომპანიის ყოფილი დირექტორის, დავით ზილფიმიანის გაღიზიანება მოჰყვა.

ზილფიმიანი ირწმუნება, რომ კობაიძე იმ რაოდენობის წილს არ ფლობს, რომ მისი თანამდებობიდან მოხსნა შეეძლოს.

ამასთან, 12 მაისს, სასამართლოს გადაწყვეტილებით, ყადაღა დაედო დავით ზილფიმიანის კუთვნილ წილს შპს "ტელეკომპანია პირველ სტერეოსა” და შპს "სტერეო+”-ში.

internet.ge