გერმანიაში, ფრანკფურტის ქუჩებში, 15 ათასზე მეტი ადამიანი „კაპიტალიზმის, ბანკებისა და ევროკავშირის ეკონომიკურ პოლიტიკას“ აპროტესტებს. საზოგადოებრივი წესრიგის დასაცავად ქალაქის ცენტრში 5 ათასამდე პოლიციელია მობილიზებული.

დემონსტრაცია მშვიდობიანად მიმდინარეობს, თუმცა, როგორც ИТАР-ТАСС იტყობინება, აქციას გერმანიის ყველა მხარიდან ჩასული მოქალაქეები ჯერ კიდევ უერთდებიან. საპროტესტო მსვლელობის ორგანიზატორები გერმანიის მემარცხენეთა სპექტრის წარმომადგენლები, პოლიტიკური პარტიები და პროფესიული კავშირები არიან. მათი გათვლებით, დემონსტრანტთა რაოდენობა 40 ათასამდე გაიზრდება.

პოლიციის წარმომადგენელთა განცხადებით, ქალაქის ცენტრში, საგზაო მოძრაობასთან დაკავშირებით, სერიოზული პრობლემები შეიქმნა.

დემონსტრაციაზე სიტყვით გამომსვლელებმა, ფინანსური კრიზისის პირობებში, ევროკავშირის მიერ წარმოებული „მკაცრი ეკონომიკის“ პოლიტიკა გააკრიტიკეს.

internet.ge