სამგზავრო თვითმფრინავი, რომელზეც 135 მგზავრი იმყოფებოდა, ნიუ-იორკიდან ლას-ვეგასში მიფრინავდა. თუმცა ის სასწრაფოდ დასვეს ტეხასში. როგორც გაირკვა, ამის მიზეზი თვითმფრინავის კაპიტნის ფსიქიკური აშლილობა გახდა. დრამატული სცენის მოწმეები ყვებიან, რომ კაპიტანმა სალონში სირბილი დაიწყო და ყვიროდა: „ერაყი! ალ-ქაედა! ტერორიზმი! ჩვენ ვვარდებით! ილოცეთ!“…
როგორც მგზავრები ყვებიან, მათ შენიშნეს, რომ კაბინიდან გამოსული კაპიტანი უცნაურად იქცეოდა და თავიდან, ყველა მგზავრთან გასაუბრებას ცდილობდა. რის შემდეგაც ისევ კაბინაში დაბრუნება გადაწყვიტა, თუმცა პილოტებმა, როგორც ჩანს კარი ჩაუკეტეს, რადგან მათ მგზავრებზე ადრე შენიშნეს უფროსის არაადექვატურობა.
ამის შემდეგ კაპიტანი უფრო მეტად აღლედა, - კაბინის კარზე ბრახუნი და სალონში წინ და უკან სირბილიდაიწყო, თან ყვიროდა - „ერაყი! ალ-ქაედა! ტერორიზმი! ჩვენ ვვარდებით! ილოცეთ!“
ერთ-ერთმა მგზავრმა ამ ყველაფრის მობილური ტელეფონით გადაღება მოასწრო. სწორედ მან განათავსა ვიდეო Youtube-ზე. ჩანაწერში ისმის კაპიტნის ყვირილი: „ბომბი!“
სხვა გზა აღარ იყო და რამდენიმე მგზავრმა ჭკუიდან შეშლილი მამაკაცის დამორჩილება სცადა. ის სალონის იატაკზე დააგდეს და გაკოჭეს.
საბედნიეროდ, ბორტზე იმყოფებოდა პილოტი, რომელიც ამჯერად, ჩვეულებრივი მოგზაურის როლში იყო, თუმცა ექსტრემალურ სიტუაციაში მან თავის თავზე აიღო მართვა და სწორედ მისი დამსახურებით თვითმფრინავი ტეხასის აეროპორტში უსაფრთხოდ დაჯდა.
კაპიტანი მაშინვე ჰოსპიტალში გადაიყვანეს. ერთ-ერთი ვერსიით, ის, მართლაც ჭკუიდან შეიშალა, თუმცა ვარაუდობენ იმასაც, რომ ეს ნარკოტიკების ზემოქმედების შედეგი შეიძლება ყოფილიყო. CBS კი იუწყება, რომ 49 წლის კლეიტონ ოსბორნი გაგიჟდა…
Internet.ge
