მსოფლიოს ყველაზე ძვირფასი ბრენდების პირველ ათეულში, მე-7 ადგილი ინფორმაციული ტექნოლოგიების სფეროში მომუშავე კომპანიებმა დაიკავეს. ტოპ-ასეულს, წინა წლის მსგავსად, Apple უდგას სათავეში. ყოველწლიური რეიტინგის შემქმნელმა ბრიტანულმა კომპანია Millward Brown Optimor-მა, ეს მარკა 183 მილიარდ დოლარად შეაფასა.

სტატისტიკის მიხედვით, ბოლო წლის განმავლობაში IBM-მა საკუთარი ბრენდის ღირებულება 15%-ით, 116 მილიარდ დოლარამდე გაზარდა და რეიტინგში მეორე ადგილზე გადაინაცვლა. Google-მა კი მესამე პოზიცია დაიკავა 108 მილიარდი დოლარით.

მე-4, მე-5 და მე-6 ადგილებზე გასული კომპანიების მდგომარეობა უცვლელია (Microsoft, McDonalds და Cola-Cola). მე-7 საფეხურზე Marlboro მოთავსდა, რომელმაც საკუთარი პროდუქცია 9%-ით გააძვირა და 73 მილიარდი დოლარის გამომუშავება შეძლო. ათეულშივე შევიდა ორი ამერიკული (AT&T და Verizon) და ერთი ჩინური (China Mobile) კავშირგაბმულობის ოპერატორი.

მართალია Facebook-ის ბრენდის ფასი ყველაზე მეტად - 74%-ით გაიზარდა, თუმცა ჩამონათვალში მხოლოდ მე-19 ადგილზე გავიდა (33 მილიარდი დოლარით).

Internet.ge