აღნიშნულ ცვლილებებთან დაკავშირებით, საქართველოს საპატრულო პოლიცია საგანგებო განცხადებას ავრცელებს, რომელსაც უცვლელად გთავაზობთ:

‘’საქართველოს დამოუკიდებლობის დღეს,  26 მაისს, ქ. თბილისში დაგეგმილ ღონისძიებებთან დაკავშირებით,  23 მაისიდან გადაიკეტება მარჯანიშვილის მოედანი.

თამარ მეფის გამზირიდან აღმაშენებლის გამზირზე ავტოსატრანსპორტო საშუალებები იმოძრავებენ მარჯანიშვილის მოედნამდე (მარცხნივ მოხვევით) მარჯანიშვილის ქუჩის გავლით ჩიქობავასა და ჩიტაიას ქუჩების მიმართულებით.

სატრანსპორტო საშუალებების მოძრაობა ზაარბრუკენის მოედნის მიმართულებით შესაძლებელი იქნება მარჯანიშვილის, წინამძღვრიშვილისა და კიევის ქუჩების გავლით.

მოძრაობის მიმართულებას შეიცვლის საზოგადოებრივი ტრანსპორტიც. კერძოდ, ზაარბრუკენის მოედნიდან საზოგადოებრივი ტრანსპორტი იმოძრავებს მაზნიაშვილისა და ჯავახიშვილის ქუჩების მეშვეობით,  ცენტრალური სადგურისა და ცოტნე დადიანის ქუჩის მიმართულებით.

Internet.ge