საქართველოს დამოუკიდებლობის დღისადმი მიძღვნილ ღონისძიებებთან დაკავშირებით, საპატრულო პოლიცია ავტოსატრანსპორტო საშუალებებისთვის მოძრაობის შეზღუდვის შესახებ ინფორმაციას ავრცელებს.

საპატრულო პოლიციის ცნობით:  ქ. თბილისში 24 – 26 მაისს გადაიკეტება რუსთაველის გამზირი თავისუფლების მოედნიდან ვარდების მოედნის ჩათვლით. დაწესდება შემდეგი შეზღუდვები: 

მელიქიშვილის გამზირიდან რუსთაველის გამზირზე მიმავალი ავტოსატრანსპორტო საშუალებები იმოძრავებენ მეტრო რუსთაველამდე, მ. ჯავახიშვილის (ყოფილი ელბაქიძის) დაღმართის მიმართულებით, (მარცხნივ მოხვევით მარჯვენა სანაპიროზე, ორთაჭალის მიმართულებით), ან თაბუკაშვილის ქუჩის მიმართულებით. 

ბარათაშვილის ხიდიდან თავისუფლების მოედნის მიმართულებით მოძრავი მანქანები იმოძრავებენ პუშკინის ქუჩის გავლით მთაწმინდის მიმართულებით, ასევე შეეძლებათ მობრუნება წრეზე უკან, პუშკინის ქუჩის მიმართულებით.

კ. აფხაზის ქუჩიდან (ყოფილი ლესელიძის ქუჩა) თავისუფლების მოედნის მიმართულებით მოძრავი მანქანები იმოძრავებენ მთაწმინდის მიმართულებით, ასევე შეეძლებათ მობრუნება წრეზე პუშკინის ქუჩის მიმართულებით.

internet.ge