ტულუზის ებრაულმა კოლეჯმა მუქარის ათობით სატელეფონო ზარი და წერილი მიიღო მას შემდეგ, რაც ტერორისტმა მოჰამედ მერამ იქ 3 ბავშვი მოკლა. ეს არის ანტისემიტური შინაარსის მუქარა და შეუაცხყოფა, ხოლო საფრანგეთის ებრაული ორგანიზაციების საბჭოს ადგილობრივი განყოფილების მონაცემებით კი,  უცნობი პირები „მოუწოდებენ ებრაელების დახოცვისკენ და ახსენებენ პალესტინა-ისრაელის კონფლიქტს“.

პროკურორმა ტულუ მიშელ ვალემ უკვე გასცა განკარგულება, დაადგინონ ზარებისა და მუქარის წერილების წარმომავლობა, კოლეჯის დირექცია კი სარჩელის აღძვრას აპირებს.
„ჩვენ ვიღებთ უსაფრთხოების უზრუნველყოფის ზომებს, რომლებიც ძვირი დაუჯდება ებრაულ საზოგადოებას, მაგრამ ეს ზომები აუცილებელია, რომ ოჯახები დამშვიდდნენ და მათი შვილებიც უსაფრთხოდ იყვნენ“ - განაცხადა ევროპული ორგანიზაციების რეგიონალური საბჭოს ხელმძღვანელმა ნიკოლ იარდენიმ.
მედიის ინფორმაციით, კოლეჯში, სადაც ტრაგედია მოხდა, მუდმივად მორიგეობს პოლიციის მიკროავტობუსი და 6 სამართალდამცველი.
internet.ge