იაშვილის ბავშვთა კლინიკაში, მეორე სართულიდან გადმოვარდნილი, 2 წლის პაციენტის მიყვანას ამ დრომდე ელოდებიან. ამის შესახებ, „ინტერნეტ.ჯი“-ს საავადმყოფოს საზოგადოებასთან ურთიერთობის სამსახურში განუცხადეს.

„მიღებულია შეტყობინება, რომ გურჯაანიდან რეანომობილით მცირეწლოვანი გადმოყავთ. წინასწარი ინფორმაციით, ბავშვის მდგომარეობა მძიმეა“,- აცხადებს კლინიკის პრესსამსახური.

ცნობილია, რომ 2 წლის აკაკი გაბისონია საცხოვრებელი კორპუსის მეორე სართულიდან გადმოვარდა.

პატარა მაშინვე გურჯაანის რაიონულ საავადმყოფოში გადაიყვანეს, თუმცა მრავლობითი მოტეხილობებისა და დაჟეჟილობების გამო პაციენტის თბილისში გადმოყვანა გადაწყდა.  

internet.ge