საატესტაო გამოცდები გრძელდება. დღეს, მოსაწვლეები გამოცდას ქიმიაში ჩააბარებენ.

განათლების სამინისტროს ინფორმაციით, მოსწავლეები 29 მაისს - ბიოლოგიის, ხოლო 30 მაისს - მათემატიკის გამოცდებს ჩააბარებენ.

დამამთავრებელი კლასის 42 ათასამდე მოსწავლემ ქართულ ენასა და ლიტერატურაში, უცხო ენაში, ისტორიაში, გეოგრაფიასა და ფიზიკაში უკვე გამოსცადა თავისი შესაძლებლობები.

განათლების სამინისტროს ინფორმაციით, გამოცდების შუალედური შედეგები ასეთია: ფიზიკაში მხოლოდ 5%-ზე ნაკლებმა ვერ გადალახა ბარიერი;

არაქართულენოვანი სკოლების მოსწავლეების 90%-მა ქართულ ენაში მაღალი შედეგი აჩვენა; უცხო ენებს შორის ინგლისურში მოსწავლეთა ყველაზე ნაკლები რაოდენობა - მხოლოდ 2%  ჩაიჭრა.

შუალედური შედეგების მიხედვით, მოსწავლეებმა წელს გაცილებით მაღალი შედეგი აჩვენეს, ვიდრე შარშან. საგნების მიხედვით საშუალო 8 ქულა დაფიქსირდა, რაც ძალიან მაღალი მაჩვენებელია.

Internet.ge