ფოტო-პროგრამა Instagram-ის შემდეგ, Facebook-მა შესაძლოა
Opera Software შეიძინოს. ამის შესახებ „სანდო წყაროზე“ დაყრდნობით, PocketLint იტყობინება.
როგორც ინტერნეტ-გამოცემა წერს, სოციალური ქსელი ბრაუზერების
ბაზარზე წამყვანი მოთამაშეებისთვის - Microsoft, Google და Mozilla - კონკურენციის
გაწევას ალტერნატიული მომსახურების შეთავაზებით გეგმავს. Facebook-ის ბროუზერი მომხმარებელს უნიკალური ფუნქციის საშუალებით მიიზიდავს, რომელიც
სოციალური ქსელის აქტიური ვიზიტორებისთვის იქნება განკუთვნილი.
გამოცემა Business Insider აანალიზებს Facebook-ის სტრატეგიას,
შექმნას საკუთარი მობილური პლატფორმა. საამისოდ კომპანიამ პირველი ნაბიჯი ცოტა ხნის
წინ გადადგა, როდესაც საკუთარი მესენჯერი გამოუშვა. ეს პროგრამა „მეგობრებთან“ შეტყობინებების
გაცვლის საშუალებას იძლევა და ცვლის ელექტრონულ ფოსტასაც და SMS-ებსაც. გასულ კვირას
კი Facebook Camera გამოჩნდა, რომელიც ფოტოების გადაღების, დამუშავებისა და ატვირთვისთვისაა
განკუთვნილი.
კომპანია Opera Software ბროუზერებს უშვებს, როგორც კომპიუტერებისთვის, ისე მობილური ტელეფონებისთვის.
ბოლო დრომდე იგი ყველაზე პოპულარულ მობილურ ბროუზერად ითვლებოდა და მხოლოდ ცოტა ხნის
წინ დაუთმო ლიდერობა Android-Robot-ს. კომპანიის ინფორმაციით, Opera-ის პროგრამით
200 მილიონამდე ადამიანი სარგებლობს.
Internet.ge
