რუსეთის აღმოსავლეთ ნაწილში უკანასკნელი 24 საათის განმავლობაში 10 ხანძარი გაჩნდა, რომელთაგან 5-ს მაშველები გაუმკლავდნენ. ხანძართა უმრავლესობა ტყეებშია გაჩენილი.

ამ დროისთვის სტიქია დამარცხებულია ხაბაროვსკის მხარეში, იაკუტიში, ამურის ოლქსა და კამჩატკაზე.

„დღეისთვის 5 ხანძარი მძვინვარებს ხაბაროვსკის მხარეში და იაკუტიში. ფედერაციის დანარჩენ სუბიექტებზე ხანძარი ლიკვიდირებულია,“ - სატყეო დეპარტამენტზე დაყრდნობით, იუწყება ИТАР-ТАСС.

სატყეო სტრუქტურების ინფორმაციით, რუსეთის აღმოსავლეთ ნაწილში, სეზონის დასაწყისიდან მოყოლებული, ტყეებში 949 ხანძარი გაჩნდა. საერთო ჯამში, მათ 32 490 ჰექტარი მოიცვეს.

ამ დროისთვის ყველაზე საშიშ ზონას კამჩატკა წარმოადგენს, სადაც ხანძრის გაჩენის რისკი ძალიან მაღალია.

internet.ge