განათლებისა და მეცნიერების კომიტეტის თავმჯდომარის, გოკა გაბაშვილის შეფასებით, განათლების ეროვნული ცენტრის ხელმძღვანელის პოსტიდან მაია მიმინოშვილის გათავისუფლება, გამოცდების ორგანიზებულად ჩატარებას ხელს არ შეუშლის.

როგორც ჟურნალისტებს გაბაშვილმა განუცხადა, მიმინოშვილს საგამოცდო სისტემის ჩამოყალიბებაში სერიოზული წვლილი მიუძღვის.

მისი თქმით, ამ ორგანიზაციიდან თანამშრომლების წასვლა ცუდია, მაგრამ სამინისტრომ და ცენტრმა უნდა მოახერხონ, რომ გამოცდებს არანაირი საფრთხე არ დაემუქროს.

„ამისთვის ცენტრმაც და სამინისტრომაც ყველაფერი უნდა გააკეთონ. მინისტრის დისკრეციაა ამ ორგანიზაციის ხელმძღვანელის დანიშვნა და გათავისუფლება. შაშკინსა და მიმინოშვილს შორის განათლების პოლიტიკასთან დაკავშირებულ პრინციპულ საკითხებზე, მართლაც პრობლემები არსებობდა“, – დასძინა მან.

რაც შეეხება  მაია მიმინოშვილის პოსტიდან გათავისუფლება პოლიტიკური ნიშნით მოხდა თუ არა, გაბაშვილი ამობობს, რომ „ამაზე საუბარი სისულელეა”.

internet.ge