Ferrari-ში ამბობენ, რომ  ქარხანა არ დაზიანებულა, თუმცა მისი დახურვა უსაფრთხოების გამო გადაწყვიტეს. სამსახურიდან დაითხოვა თანამშრომლები  Lamborghini-მაც, ასევე მუშაობა შეაჩერა Maserati-ს ქარხანამაც.

წარმოების განახლებას 30 მაისისთვის ვარაუდობენ, თუ რა თქმა უნდა, ძლიერი ბიძგები კიდევ არ გაგრძელდება.

გუშინ დილის 9:00 საათზე 5,8-ბალიანი მიწისძვრის შემდეგ, ბიძგები მთელი დღის განმავლობაში ფიქისირდებოდა. დაღუპულთა რაოდენობამ უკვე 15-ს მიაღწია.

მსხვერპლისა და ზიანის გამო იტალიის ხელისუფლებამ გადაწყვიტა, რომ ქვეყნის ჩრდილოეთით მომხდარი მიწისძვრების სერიის გამო 4 ივნისი გლოვის დღედ გამოაცხადოს.

ემილია-რომანოს რაიონში ერთი კვირის განმავლობაში ძლიერი მიწისძვრა უკვე მეორედ მოხდა. 8 ათასი ადამიანი ევაკუირებულია. არის საშიშროება, რომ ჩამოიშალოს შენობები, რომლებიც არ დანგრეულა, თუმცა ძლიერი რყევების გამო, მნიშვნელოვნად დაზიანდა.