ფინანსური მონიტორინგის სამსახური, ფიზიკური პირის, ბიძინა ივანიშვილის კუთვნილი კომპანიების: შპს „ბურჯისა“ და შპს „ელიტა ბურჯის“ მიერ პოლიტიკური კოალიცია „ქართული ოცნების“ სასარგებლოდ ავტოსატრანსპორტო მომსახურების ხელშეკრულებით გათვალისწინებული საკითხების მონიტორინგს ახორციელებს.

აღნიშნულ საკითხთან დაკავშირებით, კონტროლის პალატამ სპეციალური განცხადება გაავრცელა.

მათი ინფორმაციით, საკითხის შესწავლა განპირობებულია პოლიტიკური სუბიექტის საფინანსო დეკლარაციაში ფაქტობრივ ხარჯებთან შესაბამისობის თვალსაზრისით არსებული აუდიტორული რისკებით.

„საქმე ეხება შპს „ბურჯისა“ და შპს „ელიტა ბურჯის“ მიერ ჯამში 214 ერთეული, დაახლოებით 4 000 000 მილიონი ლარის ოდენობის სატრანსპორტო საშუალებების (ტოიოტა ჰაი ლუქსის, ჰიუნდაის, მერსედეს ბენცის მარკის ავტობუსების და ა.შ.) შესყიდვას და „ქართული ოცნების“ სასარგებლოდ მომსახურების გაწევას.

მონიტორინგის პროცესში განხორციელდება საქართველოს კანონმდებლობით გათვალისწინებული ადმინისტრაციული ღონისძიებები მათ შორის ცალკეულ პირთა გამოკითხვა“,- ნათქვამია განცხადებაში.

internet.ge